... የዋጠውን እንመነው!

Please read in PDF

አልማዝ ወርቅ እንቁውን፣ በኲራቱ ያደበሰ፤

ዘረ አዳምን አስጎንብሶ ፣ ብርታት አቅሉን ያፈረሰ፤

ትልቁን ቁጥር በራሱ ምጥ፤

በማጣደፍ በማሯሯጥ፤

የሚነዳ፤

የሚገዛ፤

ጥቂቶቹን ወደክብረት ፣የሚያጓጉዝ ወደእረፍት፤

ሞት ገበሬ ፣ ሲያበራይ ፣ መች ይዝላል?

ጠይም አፈር፣

ዳማ አፈር፣

ጥቁር አፈር፣

ወዛምና አመዳሙን፣

ህጻንና ሸበቶውን፣

ሲያመላልስ ፣ መች ይዝላል?

ሞት ደግ ነው፤ በየደጁ በር ያንኳኳል፤

ወርቅ ፣ ጠጠር

ፍህም ፣ አመድ

ሳር ፣ ገለባ

ፍሬ ፣ እንክርዳድ

ሲያመላልስ መች ይዝላል?

  …  ይታክታል?

እንኪያ እናስተውላ …

ፊተኛው ሞት፣ መሰልጠኑ በሁላችን ቢቆጠርም፤

በኋላው ሞት እንዳንዋጥ ፣ የዋጠውን እንመነው ለዘላለም፤

አሜን፦ ጌታ ኢየሱስን እናምልከው፡፡