Please read in PDF
ለጌታችን
ኢየሱስ ክርስቶስ የስቅለት መታሰቢያ በዓል እንኳን አደረሳችሁ፡፡
ሁሌ እራገማለሁ የአይሁድን ጥላቻ
ጌታ ኢየሱስን …
ለምን ጠሉት? ብዬ ሙግት ማንሳት ብቻ
ለምን ነው ይሁዳ? ለምን ነው ጲላጦስ?
እንጀራ የበሉ እኒያ ሁሉ አይሁድ፥
ደግሞም፥ ያ ፌዘኛው ሄሮድስ
ለምን አደረጉ ንጹሕ ሰው ሊገድሉ?
በቀንም በማታ በሸንጐ መከሩ?
እያልኩ በልቤ ሙግት አቀርባለሁ ፤
ዓመጸኞች እያልኩ ሁሉን እነቅፋለሁ፡፡
አሳዛኙ ነገር …
ከዚህ ሁሉ ድርጊት ነፍሴ ግን ሳትማር ፤
ከገዳዮች ጋራ ቆማለች እሳት ዳር፡፡
አቤቱ ኢየሱስ ሆይ!
ትዝታዬ ሁነኝ ስጠፋ እንድመለስ ፤
በኰነንኩት ኃጢአት እኔው ደግሞ እንዳልረክስ፡፡
No comments:
Post a Comment