እንሰሳት አራዊት ፤
አዋቂ ሕጻናት ፤
ምድር ተገልብጣ ፣ ልትተኮስ በʼሳት ፤
አመድ ብናኝ ልትሆን ፣ በፍህም ቀጠሮ ፤
ደስታዋ ሊሰበር ፣ በዋይታና ሮሮ …
ሞት በደጇ አድብቶ ፤
ኃጢአት ሕዝቧን ገዝቶ ፤
ጎብጣ ለምትሄድ ፣
ለነነዌ ምድር ፤
ዮናስ ስበክ እንጂ
፣ ተርሴስ አትሻገር፡፡
ተመለሱ! ተዉ! ኃጢአታችሁ
ይብቃ ፤
ለምን ልብሱ ብቻ?
ልባችሁም ይጽዳ ፤
ጮኸኽ ይህን እውነት ፣ ደፍረህ ብታስረዳ ፤
ነቢዩ ዮናስ ሆይ!
ምንህ ነው ሚጎዳ!?
የበደለን ወቅሶ ፣
ለንስሐ ማብቃት ፤
በቃለ እግዚአብሔር
፣ ከርኩሰቱ ማንጻት ፤
እውነት ለመናገር …
አክሊል አለው ዋጋ
፣ የበዛ መቶ እጥፍ ፤
በሰማይ አባት ፊት
፣ ክብር የሚያጎናጽፍ፡፡
ዳሩ!
ሕዝብን ለʼሳት ጥሎ
ለእሾኽ አሜከላ
ለራስ ብቻ ብʼኖር
በቅምጥል ተድላ…
ሰባኪ ሆይ ስማ!
የሟቹን ሞት መሞት
የማይፈቅደው ጌታ
ደሙን ካንተ ይሻል
ላልጮኽከው ዝምታ፡፡
No comments:
Post a Comment