ይሟገትልኛል

መታጠቂያውን ታጥቆ

በስጦታ ብዛት አፉን ስሎ

ሊራገም ሊያራኩት

እዚያው ቀልጦ ሊያስቀር በምድረ በዳው ውስጥ

በምዋርት በአስማቱ

ጉዟቸውን ሊያደርግ ራዕይ አልባ ገልቱ

በለአም በባላቅ ተመክሮ ተዘክሮ

ማለዳ ተነስቷል ሊያስቀር አቅልጦ

እንደቅጠል ሊያረግፍ በእንጭጩ አምክኖ፡፡

          እስራኤል አያውቅም ይህን እልፍ ተግዳሮት

          ሲረገም ሲጠላ በአስማትና ምዋርት

          በድንኳኑ ሆኖ ተዘልሎ አርፏል

          ስለእርሱ አዶናይ ተግቶ ይሟገታል

          ነገር ተቀይሯል

          ረጋሚው መባረክ ማመስገን ጀምሯል፡፡

ረጋሚው ቢረግምም

ሥር ማሹ ቢቀምም

አሟራቹ ሟርቶ በአስማቱ ቢመካም

የመለኮት ጥላ በዙርያዬ ረቦ

ይሟገትልኛል ጠላቴን አጽንቶ

አብዝቼ ሳልሰለች እባርክሃልለሁ

ከማላውቀው ጠላት ጌታ አድነኸኝ አሁን አይቻለሁ፡፡