የኢየሱስ እናቱ እጅግ ደስ ይበልሽ
ተወዳጅ አማኑኤል ፀጋ ስለሰጠሽ
ደስ ይበልሽ
ደስታን ጮኸሽ ተናገሪ
ስለመድኃኒትሽ በእልልታ ዘምሪ
አንቺ የእምነት እናት ደገኛ ሙሽራ
የተሠራሽ በእጁ ለቅዱሱ ሥራ
በእምነት ትከሻ አካላዊ ቃልን
በመንፈስ ቅዱስ ኃይል የማይቻለውን
ይዘሽ የታየሽው ገሊላዊት ድንግል
ደስ ይበልሽ ፍጹም ደስታ ይገባሻል
ከነሳምሶን ሁሉ በልዩ ናዝራዊ
ቃሉን በእምነት ልብ ያመንሽ ወንጌላዊ
የትህትና አብነት ኪዳኑን 'ማትረሺ
የደመቀ ስሙን ስታሞጋግሺ
ተመሰጠ ልቤ አወደው ፀሎትሽ
የረዳሽን አምላክ
አመሰንኩ ልጅሽ
ደስ ይበልሽ ድንግል ተፈስሒ ፍስህት
ድንቅ አድርጓል ባንቺ የዘላለም አባት
ደስታሽ የመነጨው ከሥላሴ ዙፋን
ሞልቶ ይፈሳል እንጂ ማን ሊያቆም ይችላል?
በልጅሽ የምናምን እኛም ወዳጆችሽ
እንዳንቺ ከፀናን መንግስቱን ነን ወራሽ፡፡
No comments:
Post a Comment