ሆሼዕና ኢየሱስ

Please read in PDF ; hoshena Eyesus

ምድር ነዳ ከስላ  - ጠቋቁራ ጠልሽታ፤

ዙርያዋን በኃጢአት - ነበልባል ተከባ፤

ትዳር መቅኖ አ’ቶ፤

ሴሰኝነት ክንፉን አርብቦ ዘርግቶ፤

ትውልድ በአመጻ መንፈስ ነፍሱ ጎብጦ፤

              እያየኸው አይሙት የሞትክለት ትውልድ

              ሆሼዕና ኢየሱስ ልቡን መልስለት፡፡

ቃየላዊ ብልጠት - ባ’ቤል ደም መጨቅየት፤

በለዓማዊ ብልሐት - የመረረ ርኩሰት፤

የከንፈር አምልኮ - የሽንገላ ፍቅር፤

ድኃውን ከፍትህ - በገንዘብ መፈንገል፤

         .

         .

         .

የጸሎቱ ቤቱ አውድ - እንደንግድ ተቆጥሮ፤

አገልግሎት “Business” - ወንጌል ችርቻሮ፤

ሲሸመት ሲለወጥ - መዝሙር ተመንዝሮ፤

በመልክና በሀብት - ቃልህ ተሸቃቅጦ፤

       እያየህ እባክህ - ዝም አትበል ጌታ፤

       ሆሼዕና ኢየሱስ - ቤትህን አንተ አጥራ፡፡

አሁኑኑ አድን - አሁኑኑ አቅና፤

ካንተ በቀር ሌላ - አዳኝ የለምና፤

አሁን አድን ‘ባክህ - መድኃኒት ኢየሱስ፤

መዳንህ በዝቶልን - ስምህን እንድንቀድስ፡፡