እንዲሁ ይመጣል!

Please read in PDF :- Indihu yimetal!
ለምን ነው ‘ምታዩት እንዲህ አንጋጣቹ’፤

ወደሰማይ ፋና አይና‘ቹን ልካቹ’፤

በነፍስ ትካዜ በመንፈስ ታክታ’ቹ … ? ፤

ሳይረቅ እየራቀ ሲሄድ የምታዩት፤

የአለሙ ሁሉ ቤዛና መድኃኒት፤

እንዲሁ ይመጣል ድንገት እንደሌባ፤

ተጽናኑ ታገሱ ሆዳችሁ አይባባ፡፡

ጸሎት ሳይታጎል ወንጌሉ ሳይጎድል፤

ተግታችሁ በመቅደስ ጠብቁት በፍቅር፤

ይመጣል በክብሩ ያ ያረገው ጌታ፤

በግርማ መለኮት በክበበ “ሥጋ”፡፡

የዘገየ መስሎ አገልጋይ ‘ምትገፉ፤

የ“አይመጣም” ስብከት የምትለፈልፉ፤

ዘመን ከመዋጀት በአመጽ ‘ምትሰንፉ፤

ይመጣል ዳግመኛ የናዝሬቱ ኢየሱስ፤

ታማኝ ባርያዎቹን ጸጋውን በማውረስ፤

ኃጢአትን ሊቀጣ ፣ ዘለዓለም ሊነግስ፡፡