Please read in PDF
ጥንቆላና አስማት
መርገምና ምዋርት
ጣኦታትን ማምለክ
መናፍስት ጠሪ
ሰይጣንን አዝማሪ
የአኪጦፌል ምክር
የቃየል ፊት መጥቆር
የአቤሴሎም ብልሀት
የበለአም ስህተት …
የልጅህን ዓይን በጉጠት ተልትላ
ለጠላት የምትሸጥ ሸንጋይዋ ደሊላ
እንደቀይ ዘንዶ ምላሱን አርዝሞ
ከመንገድ ላይ ቆሞ
ኢዮብና ኢያሱን
በበጉ ደም ዛሬም ተዋጅተው ያሉትን
ከሶ ለማሳጣት
የሚቸኩለውን የዲያብሎስን ጣት …
የሰዶም አመጻን የቆሬን መቃወም
የሚገዳደርህ ፈርኦናዊውን ሕልም
ከኃጢአት ጋር ኪዳን በደም የተጋቡ
እውነትን ለመቅበር ቀን ከሌ'ት
'ሚያደቡ …
በማዕዘኑ ድንጋይ በናዝሬቱ ዐለት
ይቀጥቀጥ የክፋት የኃጢአት ሠራዊት
ትውደቅ በላያቸው ታግኛቸው ስምህ
ይቅለጡ ይብረሱ ነጻ ይውጣ ሕዝብህ፡፡
No comments:
Post a Comment