የሲዖል ኃይሏ የሰይጣን ክንዱ
ስለደቀቀ የሞት ጉልበቱ
ስለተፈታ የኀጢአት ቤቷ
ግርግርና ከንቱው ድንፋታ
ክፋት ግሳንግስ
ያላባራው ክስ
የጸና ግዞት
የነፍስ ስደት
ዳር ስላገኘ
በክርስቶስ ደም ጽድቅ እየናኘ
በትንሣኤው ኀይል ድንቅ ምሥራች
ጥጋብ በረከት የደስታ ፍሳሽ
ለ'ኛና ላ'ዳም ሳቅና ዜማ
ለዲያብሎስ ግን ድቅድቅ ጨለማ
ሆኖ ስላየን ዛሬ በጌታ
የበገና ቃል ለአማኑኤል ይምጣ፡፡
ተድሷል ቃሉ
ተሽሯል አቅሉ
በክርስቶስ ደም ጽድቅ እየናኘ
በትንሣኤው ኀይል ድንቅ ምሥራች
ጥጋብ በረከት የደስታ ፍሳሽ
ለ'ኛና ላ'ዳም ሳቅና ዜማ
ለዲያብሎስ ግን ድቅድቅ ጨለማ
ሆኖ ስላየን ዛሬ በጌታ
የበገና ቃል ለአማኑኤል ይምጣ፡፡
ተድሷል ቃሉ
ተሽሯል አቅሉ
የሞት ህልቅና ሞቶ ተረስቷል
ተቆርጦ እትብቱ መውጊያው ተሰብሯል
እኛን ተዛምዶ በእኛ ቦታ
የሞታችንን ትልቁን ዕዳ
ከፍሎ እንካችሁ እንዲሁ ያለዋጋ
ላለን ጌታችን አልፋና ኦሜጋ
ምስጋና አምጡ የጸናጽሉን
አዳኝ መድኃኒት ጌታ ለሆነን
ይምጣለት ለ'ርሱ ክራር ጭብጨባ
ምርኮን አብዝቶ ወደመቅደሱ በትንሳኤው ኃይል በደም ለገባ፡፡
ለምን ምስጋና እልልታ ብቻ
እኮ ስለምን ሽብሸባ ብቻ?
ጩኹ በደስታ ጩኹ ዘምሩ
በመስቀሉ ቃል በትንሣኤው በኩር አምናችሁም ዳኑ፡፡
No comments:
Post a Comment