አዲሱ የሮዳስ ተረት!

Please read in PDF

መቼም የሐሰት መምህራንን ጠባይ መጽሐፍ ቅዱስ ሲናገር እንዲህ ይላል፣ “ክፉዎች ሰዎችና አታላዮች፥ እያሳቱና እየሳቱ፥ በክፋት እየባሱ ይሄዳሉ” (2ጢሞ. 3፥13)።  አንድ የስህተት አስተማሪ ፈጥኖ በቅዱስ ፍርሃትና የቅዱሳት መጻሕፍትን ሥልጣን በማክበር በመታዘዝ ካልተመለሰ፣ እየባሰ፣ እየከፋ፣ ኀጢአቱን እየጨመረ፣ አሳሳችነቱን ይበልጥ እየገፋበት ይሄዳል።

ሮዳስ፣ በዲማ ጊዮርጊስ የሚገኝ አንድ የጊዮርጊስ ስእል፣ በየካቲት 23 ቀን ጠዋት ጠፍቶ ማታ እንደ ተገኘና የመቅደሱ ዓቃቢት ስእሉን፣ “ጠዋት አላየኹህም፣ የት ሄደህ ነበር?” ብላ ስትጠይቀው፣ “ቀኑን ሙሉ አጼ ሚኒሊክን ስረዳ ውዬ ነው” ብሎ መለሰላት ይላል።  መቼም ለተረቶቻቸው ወደርና አቻ የላቸውም! ከልባቸው አፍልቀው ሲናገሩ ትንሽ እንኳ አያፍሩም!

ጦርነትንና ሰውን መግደል የሚደግፉ ጭፍን “አማኞችና አገልጋዮችን” እያየን ባለንበት በዚህ ዘመን፣ እነ ሮዳስ ደግሞ እውነት ለማድረግ ተግተው ተረት ሲተርቱ እናያለን። ስተው ከሚያስቱ ተጠንቀቁ፤ በክህደት ዝፍጥ ውስጥ ተዘፍቀው ሌሎችን ለመሳብ ከሚታትሩቱ፣ የመጽሐፍ ቅዱሱን ኢየሱስ ከመጥራት የሚያፍሩ፣ የአሮጊቶችን ተረት ሲተርቱ ግን ከማይሰቀቁ ራቁ፤ ወደ ተወዳጁ መድኀኒትና ቤዛ ወደ ክርስቶስ ኢየሱስ ፊታችሁን ዘወር ታደርጉ ዘንድ እንማልዳችኋለን፤ ጌታ መንፈስ ቅዱስ የስህተት መምህራንን ልባቸውን በብርቱ ይውቀስ፤ እኛንም በጸጋው ያጎልምስ፤ አሜን።