ጌታ …
ዝም ያለ ሲመስል
በጆሮ እንዳልሠማ
በአይኑም እንዳላየ
ቀና ቀና ይላል
የመከራው መከር
ጭንቅ እያበራየ
ሞገዱ ይቸኩላል
ፉጨት እያፏጨ
ታንኳህን ሊደፍናት
እሳቱም እግር አለው
ጎጆህን ደርምሶ
ወና አመድ ሊያደርጋት
የሐሰቱም ምክር
እንዳየው የእውነትቃል
በችሎት ተቀምጦ
ሸንጎው ይበይናል
በግልጥ በድሎ፡፡
ግድ የለም ታገሰው
ከፍ ይበል ጨለማህ
ይውጣ ቀንህን ቀድሞ
ዕረፍትህ ይመጣል
በድንቅ ተውቦ
በወጋገን ደምቆ
ዝም ያለ ቢመስልህ
ታገሰው አጥብቀህ
ይመጣል ኤልሻዳይ
በወደረኞችህ ፊት
ፍፁሙን ሊቀባህ
አድርጎህ የበላይ፡፡
አሜን አሜን! ተበረክ!
ReplyDeleteአሜን አሜን አሜን፣ ቃለ ሕይወትን ያሰማልን፣ ወንድማችን ተባረክ፡፡
Deleteአዎ ዝም አይልም ጌታ፣
አይተወንም እንዲህ ስንገላታ፡፡
ይመጣል ፈጥኖ፣
መጠበቅ ነው በእርሱ ታምኖ፡፡
ቤተመቅደሱ የተኩላዎች መፈንጫ ቢሆንም፣
ለበጎቹ እረኛ ጠፍቶ ቢበተኑም፣
ይመጣል ይሰበስበናል ዝም አይልም፡፡
ይለያል ምስጉኑን ባሪያ ከህከተኛ፣
መክልቱን የቀበረዉን ሰነፍ እረኛ፡፡