ሰንበት

Please read in PDF

ቀኑማ ቀን ነው አንዱ ሌላን ይከተላል

ተደጋግሞ ሣይጨመር ሳይቀነስ ይከሰታል

ሰኞ ያው ነው ከእሁድ የለው ልዩ

መለኪያ መብለጫውን አጥብቀው ካላስተዋሉ

እስራኤል ቀን ሲያመልኩ ሳይለዩ መባረኪያውን

ፈት ሆነው ከመልካም ሥራ ገነዙት ራሳቸውን

በጉድጓድ ግልገል ወድቆ

በወህኒ እስረኛው ማቆ

በደጁ ድሀ ተርቦ እጅጉን በጣም ተጠምቶ

ወገኑ የሚልሰው አጥቶ

በህመም ለሚያቃስተው

ሞት ከብዶት ላጎነበሰው

በነብሱ ለተራቆተ

ንጣቱ ለመነቸከ

ለገዛ የስጋ አብራኩ

ለብጤው ለእንደርሱ አይነቱ

ሰንበት ነው ልረፍ እያለ

ስንቱ ነው ስንት የገደለ

ሰንበቱ ቅዱስ እንዲሆን

እንድታይ ፍጹም እረፍትን

ሸክሙን የወንድምህን

አራግፈው ያደከመውን

ያን ጊዜ እረፍትህ ሆኗል

በጌታ ቀንህ ተባርኮ እንደወንዝ ሠላምህ ፈሷል፡፡