ምንድን ነው መክሊት ቀበራ?

 Please read in PDF

ተሹመህ በብዙ ጸጋ

እንድትጠቅም እንድትረባ

አሽተህ እንድታፈራ

መንጭተህ እንድታረካ

በቃሉ መነጽርነት

አቅርበህ የሩቅ ሚስጢራት

ወደ ህይወት የእውነት  መዲና

ተቃንተህ እንድታቀና

ላኪህን ጌታ አንግሰህ

በአለቱ በእርሱ ጸንተህ

በግርማ ሆነህ በፊቱ

ታምነህ ለቃል መክሊቱ

ወደ ህያው የፅዮን ተራራ

ይገባሃል ነፍሳትን መንገድ እንድትመራ፡፡

አንድ፣ ሦስትና አምስት የእውነት አደራ

በተሰጠህ ልክ ስራ እንድትሰራ

በሰፊው ሁዳድ ዘር እንድትዘራ

አብበህ መአዛህ ሸቶ

ፅናትህ ድኩም አፅንቶ

ማረፍህ ተቅበዝባዥ ተክሎ

በልብህ ጌታ ተስሎ

ባንተ ሕይወት እርሱ ተነቦ

ለዚህ ነው ያንተ መመረጥ

ሳታረጅ ጎበዝ አትጉበጥ

ምንድን ነው መክሊት ቀበራ?

ደከመኝ ሳይሰሩ ስራ

ምንድን ነው የጥምጥም ጉዞ?

መንፈሱ ለጽድቅ ታዞ

አትናቃት አንዲቷን መክሊት

ናትና የሰማይ ፍኖት

አትሁን እንደጋን መብራት

ስበከው ጩህ በሰገነት

አትፍራ አብዝተህ ጩኸው

መክሊቱን አውጥተህ አውርደው

አሊያ ግን እንዳታስበው

ቀብሮ ለማስቀረቱ

መቃብር የማይሸሽገው ሕያው ነው የጌታ እውነቱ

በአንተ ይብስብሀል ስለት ላይ ደርሰህ ለቆምከው

መሞትን ምርጫ አድርገህ ወደ ውጭ ራስክን ለጣልከው፡፡