ኪዳን አለኝ እኔ

Please read in PDF - kidan alegn ene

ንፋሱን ቀስቅሰው

ሞገዱን አናውጠው

ቀስትህን ገትረው

ሰይፍህን ሰይፈው

አሹለው ጥርስህን

ከስክሰው ፊትህን

ግንባርህን ቋጥረው

ቁጣህን ተቆጣው

ጩኸትህን ጩኸው

ጭፍራህን ቀስቅሰው

ወድረው ጦርህን

ዘርጋው ወጥመድህን

ጉድጓዱንም አስፋው

ጅራፍህን ግመደው …

የቤቴን ምሰሶ አብዝተህ ነቅንቀው

ከፊቴ ያለውን ሁሉንም ውሰደው …

እንዲህ ተግዳሮትህ ገንፍሎ ሲወጣ

ብዙ ይጠቅመኛል በነፍሴ ልሠራ፡፡

ይደንቀኛል ክንዱ የጌታ ፈቃዱ

ሰልፉን ለእጆቼ ሲያሳይ በጥበቡ

ካ’ንተ ሺህ ተግዳሮት ብዙ ዘመን ቀድሞ

ኪዳን አለኝ እኔ፥

ንፋስህ ላይነቅለው ጎርፍህም ላይነካው የእኔን ቤት ፈጽሞ፡፡